Dasanama

DASANAMA

Dasanama iku tembung loro utawa luwih sing padha utawa meh padha tegese (nunggal-misah). Wong prelu darbe kawruh dasanama jembar, supaya samangsa ngarang tembang bisa nyampeti guru lagu lan guru wilangane tembang kanthi gampang. Tuladhane dasanama, kayata :

1.     Ratu = katong, raja, narendra, nareswara, pamasa, pamase, dhatu, narpa, narpati, narapati, nata, naranata, naradipa.

2.     Misuwur = kawentar, kasusra, kalok, kaloka, kajanapriya, kombul, kajuwara, kondhang, kaonang-onang, kongas, kontap.

3.     Sumurup = weruh, uning, uninga, udani, anon, priksa, wrin, upiksa.

4.     Pinter = wasis, lebda, wignya, nimpuna.

5.     Sungkawa = rudah, rudita, rudatin, rulem, rudatos, tikbra, susah, sedhih, kingkin.

6.     Utusan = duta, caraka, cundaka.

7.     Angin = bayu, maruta, samirana, sindhung, pracandha, prahara, pancawora, aliwawar.

8.     Badan = awak, salira, angga, kuwanda.

9.     Nyawa = atma, atmaka, jiwa, yitma, suksma, satmaka.

      Padmosoekotjo, S. 1987. Memetri Basa Jawi. Surabaya: PT Citra Jaya Murti