Wangsalan

WARNI-WARNINIPUN WANGSALAN

1.     Wangsalan Lamba, yaiku wangsalan ingkang namung isi batangan satunggal. Tuladhanipun : pindhang lulang (krecek), kacek apa aku karo kowe?

2.     Wangsalan Rangkep (wangsalan camboran), yaiku wangsalan ingkang isi batangan langkung saking satunggal. Tuladhanipun : petis manis (kecap), sarine kaca benggala (banyu rasa). Aja ngucap, yen durung weruh ing rasa.

3.     Wangsalan Memet, yaiku wangsalan ingkang sagedipun mbadhe batanganipun sarana ngonceki maksuding tetembunganipun ambal kaping kalih. Tuladhanipun : uler kambang, yen trima alon-alon. Oncek-oncekan sapisan, uler kambang : uler ingkang kumambang ing toya = lintah. Dene oncek-oncekan kaping kalih, wanda “tah” ing tembung “lintah” kenging dipunanggep wancahanipun tembung “satitahe”.

     Padmosoekotjo, S. 1987. Memetri Basa Jawi. Surabaya: PT Citra Jaya Murti